ဖရူဆိုအတွင်း စစ်တပ်မှ စစ်လေ့ကျင့်ရေးကွင်း နေရာ

စစ်သင်တန်းကွင်း တည်ဆောက်ရာနေရာ

စစ်သင်တန်းကွင်း တည်ဆောက်ရာနေရာ

စစ်သင်တန်းကွင်း တည်ဆောက်ရာနေရာ

ဆက်ဖတ်ရန် »

Posted in: Pruso

လွိုင်ကော်ရဲ့ သိမှတ်ဖွယ် နေရာအချို့

မြန်မာ့စီးပွားရေးဘဏ်

လွိုင်ကော် အဝေးပြေး မော်တော်ယာဉ် ရပ်နားစခန်း

လွိုင်ကော် နည်းပညာတက္ကသိုလ်

နီလာရိုးမ ဓါတ်ဆီဆိုင်

ပန်ကန်းဂိတ်

ဆက်ဖတ်ရန် »

Posted in: loikaw

ကရင်နီဒုက္ခသည် စခန်း ၂ ပုံရိပ်

ရပ်ကွက် ၁ နှစ်ခြင်းဘုရားကျောင်း (ဓါတ်ပုံ-ကေတီ)

ရပ်ကွက် ၂ အတွင်း ကျောင်းသို့ သွားသော တံတား (ဓါတ်ပုံ-ကေတီ)

ရပ်ကွက် ၂ ကက်သလစ်ဘုရားကျောင်း (ဓါတ်ပုံ-ကေတီ)

ဆေးပေးခန်း (ဓါတ်ပုံ-ကေတီ)

စခန်း ၂ အ၀င်ဝတွင် ထိုင်းအာဏာပိုင်မှ ဂိတ်တခု ချထားသည် (ဓါတ်ပုံ-ကေတီ)

ရိက္ခာသိုလှောင်သည့်နေရာ (ဓါတ်ပုံ-ကေတီ)

စခန်းအုပ်ချုပ်ရေးရုံး (ဓါတ်ပုံ-ကေတီ)

ရေကြီးသည့်အချိန်တွင် လှေဖြင့် ကြိုးကိုဆွဲပြီး ချောင်းဖြတ်ရသည် (ဓါတ်ပုံ-ကေတီ)

စာသင်နေသည့် ကျောင်းသူကျောင်းသားများ (ဓါတ်ပုံ-ကေတီ)

ရေကြီးပြီး ရိက္ခာဆန်များကို စခန်းအတွင်းထိ ကားဖြင့်သယ်ယူလို့ မရသည့်အတွက် စခန်းနှင့် ခြေလျင်ဖြင့် ၁ နာရီခရီးတွင် ယာယီတဲဆောက်လုပ်ထားပုံ (ဓါတ်ပုံ-ကေတီ)

ဆက်ဖတ်ရန် »

Posted in: Karennirefugee

ဟွေပူကဲ ကျေးရွာ

ထိုင်းနိုင်ငံ မြောက်ပိုင်း မယ်ဟောင်ဆောင်ခရိုင်အတွင်းမှာရှိတဲ့ ဟွေပူကဲရွာ အလည်ရောက်တုန်း ရိုက်ထားတဲ့ ပုံအချို့ပါ။


ယခုအချိန်မှာ ထိုင်းနိုင်ငံ ရေးကြီးခြင်းကြောင့် နိုင်ငံခြား ခရီးသွားဧည့်သည်များ အလာနည်းသည့်အတွက် ဟွေပူကဲရွာသည်လည်း အခက်နှင့် ကြုံနေရပြီ။
ရွာမှာ ကယန်းမျိုးနွယ်စုတွေ အများဆုံး နေထိုင်ကြပါတယ်။

နမ့်ပန်ချောင်းတဖက်ကမ်းကနေ လှမ်းမြင်နေရတဲ့ ရွာလေး (ဓါတ်ပုံ-ကေတီ)

ရွာရောက်လိုရင် စက်လှေမော်တော်နဲ့ စီးရတယ်။ (ဓါတ်ပုံ-ကေတီ)

စာသင်ကျောင်းခန်းထဲမှာ ညဏ်စမ်းအမေးအဖြေတွေ လုပ်နေကြတဲ့ ကျောင်းသူကျောင်းသားများ (ဓါတ်ပုံ-ကေတီ)

ဝင်ငွေမရှိတော့လည်း ရွာရဲ့ တဖက်ကမ်းမှာ ခြံလုပ်နေရတဲ့ ဒေါ်မူရှာ (ဓါတ်ပုံ-ကေတီ)

ညနေခင်းအချိန်မှာ အလွမ်းပြေ ကယန်းဂီတာလေး တီးပြီး သီချင်းဆိုနေတဲ့ ဒေါ်မူရှာ (ဓါတ်ပုံ-ကေတီ)

ကန္တာရ၀တီတိုင်းမ် သတင်းစာကို ကြည့်နေတဲ့ အဒေါ်နှစ်ဦး (ဓါတ်ပုံ-ကေတီ)

ဧည့်သည်လာဝယ်နိုးဖြင့် ချရောင်းထားတဲ့ အထည်များနဲ့ အရုပ်ပစ္စည်းများ (ဓါတ်ပုံ-ကေတီ)

ဆက်ဖတ်ရန် »

Posted in: kayan

သီးနှံတွေကို ကောင်းစေမယ့် ‘တျားအီလူးဘိုးပလျား'

ရေးသားသူ - အောလို

အရုဏ် မတက်ခင်မှာ အသက် ၅ဝ ကျော် အရွယ်ရှိ အဘိုး ကလောရယ်က ချည်ဖြင့် ယက်လုပ်ထားတဲ့ ကယား လူမျိုးတို့ရဲ့ ရိုးရာ လွယ်အိတ်ဟောင်း တလုံးကို လွယ်ပြီး သူ့ရဲ့တောင်ယာ ခင်းသို့ သွားပါတယ်။ အဘိုးက တောင် ယာခင်းမှာ စိုက်ပျိုးထားတဲ့ သခွား၊ ဖရုံ၊ ကျောက်ဖရုံ စတဲ့ အပင်ပေါ်တွေမှ အသီးပေါက်စလေးတွေကို တမျိုးလျှင် နှစ်လုံးသုံးလုံးစီ ရှာဖွေခူးယူပြီး နေ့လည် လောက်မှာ အိမ်ကို ပြန်လာပါတယ်။
 
အဘိုး ခူးပြန်လာတဲ့ သီးခါစ သီးနှံတွေဟာ နုလို့ ငယ်သေးတာကြောင့် အသီး ကြီးအောင် ရင့်အောင် ဆက်ထား သင့်ကြောင်း ထင်ရပါတယ်။ ဒါပေမယ့် အဲဒီတရက်နှစ်ရက်အတွင်းမှာ သီးနှံ တွေကို အဘိုး တဦးတည်းပဲ သွားခူးတာ မဟုတ်ဘဲ အဘိုးလို ရိုးရာအစဉ်အလာကို လိုက်စားတဲ့ တခြားကယားလူမျိုးတို့ကလည်း မိမိ တောင်ယာခင်း၊ ယာခင်း မှ သီးနှံတွေကို အများအပြား သွားရောက် ခူးယူကြပါတယ်။  

သူတို့ဟာ ကောက်ပဲသီးနှံတွေ စိုက်ပျိုးပြီး သီးနှံတွေ သီးချိန်နဲ့ စပါး သီးပွင့်ချိန် အောက်တိုဘာလအတွင်းမှာ ကျင်းပလေ့ရှိတဲ့ ကယားလူမျိုးတို့ရဲ့ ဓလေ့ထုံးစံ တခု ဖြစ်တဲ့ ‘တျားအီလူး ဘိုးပလျား’ (ခေါ်) ထွက်ခါစ စပါးနှံ ပူဇော်လှူဒါန်းသောပွဲကို ပူဇော်လှူဒါန်း ဖို့အတွက် တောင်ယာခင်း၊ ယာခင်း၊ စိုက်ခင်းကနေ ထွက်ခါစ အသီးအနှံတွေ ကို သွားခူးလာကြတာ ဖြစ်ပါတယ်။

သူတို့က ထိုင်း-မြန်မာနယ်စပ်မှာ နေထိုင်တဲ့ ကရင်နီမျိုးနွယ်စုတွေထဲမှ ကယားလူမျိုးတို့ ဖြစ်ပြီး တျားအီလူး ဘိုးပလျားကို အောတိုဘာလ ၉ ရက် နေ့က ကျင်းပခဲ့ကြပါတယ်။ သူတို့ဟာ အီလူးဘိုးပလျား ကျင်းပဖို့အတွက် ကြက်ရိုးထိုး မေးမြန်းပြီး ကောင်းမွန်တဲ့ နေ့ရက် တရက်ကို ရွေးချယ်သတ်မှတ် ကာ တနှစ်တခါ ပြုလုပ်လေ့ရှိပါတယ်။

အီလူးဘိုးပလျား ကျင်းပတဲ့ ရက် အတွင်းမှာ မနက်ပိုင်းမှာ အိမ်ထောင်စုရဲ့ ဦးစီးသူ ယောက်ျားတွေနဲ့ မိသားစုဝင် ယောက်ျားလေးတွေက ကြက်တွေ ယူဆောင်ပြီး တံခွန်တိုင် အောက်မှာ ကြက်ရိုးထိုးမေးမြန်းရပါတယ်။ ကြက် ရိုးထိုး မေးမြန်းရာမှာ တဦးနဲ့တဦး ထိုးခိုင်းလေ့ရှိပြီး သက်ကြီးရွယ်အိုတွေကို ထိုးခိုင်းလေ့ရှိပါတယ်။ တချို့ သက်ကြီး ရွယ်အိုတွေနဲ့ အိမ်ထောင်ကျပြီး သူတွေ က ကိုယ့်ဖာသာ ကြက်ရိုးထိုး မေးမြန်း ကြတာလည်း ရှိပါတယ်။

ကြက်ရိုးထိုး မေးမြန်းရာမှာ မိမိ အိမ်ထောင်စု အတွက်လည်းကောင်း၊ မိမိတဦးတည်း အတွက်လည်းကောင်း လာမည့် ရှေ့ရေးကို မေးမြန်းနိုင်ကြောင်း၊ ဆိုလိုခြင်းဟာ မိမိအိမ်ထောင်စုရဲ့ လာမယ့်နှစ်အတွင်း ရှေ့ရေး၊ မိမိတဦး တည်းအတွက် လာမယ့်နှစ်အတွင်း ရှေ့ ရေးတို့ကို ကြက်ရိုးထိုးမေးမြန်းကြတာ ဖြစ်တယ်လို့ တျားအီလူးဘိုးပလျားကို ဘဝတသက်သာ ပြုလုပ်လာခဲ့တဲ့ အ သက် ၂၁ နှစ် အရွယ်ရှိ ဆော်ရယ်ဦးက ပြောပြပါတယ်။

“အတိတ်ကရော အနာဂတ် မှာရော ကျနော်ရဲ့ ကံက ဘယ်လိုရှိလဲ၊ ကောင်းလား၊ မကောင်းဘူးလား ဆိုတာ ကိုယ့်ဟာကို သိချင်လို့ မေးချင်လို့ အဲဒါ ကျနော် ကြက်ရိုးထိုးတာ ဖြစ်တယ်” လို့ တျားအီလူးဘိုးပလျားမှာ မိမိတဦး တည်းအတွက် ကြက်ရိုးထိုး မေးမြန်းခဲ့တဲ့ ဆော်ရယ်ဦးက ပြောပါတယ်။

တျားအီလူးဘိုးပလျားမှာ မိမိ သားစုအတွက် ကြက်ရိုးထိုးမေးမြန်းခဲ့တဲ့ အသက် ၂၆ နှစ် အရွယ်ရှိ ထွားရယ်က “ဒီနှစ်အတွက် အလုပ်အကိုင်အတွက် ကျနော့် သီးနှံစပါးတွေ ဘယ်လို ဖြစ်လဲ။ ကျနော့ ကံတရားရော ဘယ်လိုဖြစ်လဲ ဆိုတာ တွေ့ချင်လို့ ကြက်ရိုးထိုးတာ”  လို့ ပြောပါတယ်။

တံခွန်တိုင် အောက်မှာ ကြက်ရိုး ထိုးမေးမြန်းပြီးနောက် ပူဇော်လှူဒါန်းဖို့အတွက် ကြက်ရိုးထိုးပြီး သတ်ထားတဲ့ ကြက်ကို မိမိအိမ်သို့ ပြန်၍ ချက်ပြုတ်ရပါတယ်။ ပူဇော်လှူဒါန်းရမယ့် ကြက်ဥ၊ ကောက်ည‡င်းနဲ့ သီးနှံတို့ကိုလည်း ချက်ပြုတ်ထားရပါတယ်။
အဲဒီနောက် ချက်ပြုတ်ထားတဲ့ ကြက်၊ ကြက်ဥ၊ ကောက်ညှင်းနဲ့ သီးနှံတို့ကို ယူဆောင်ပြီး တံခွန်တိုင်အောက်မှာ လာထားရပါတယ်။ တံခွန်တိုင်အောက် မှာ ‘ခတျား’ (ခေါ်) သစ်သားဖြင့် ပြုလုပ်ထားတဲ့ ယဇ်ပူဇော်ပလ္လင် ခြေရင်း မှာလည်း အိမ်တိုင်းက ခေါင်ရည် တဗူးစီ လာထားရပါတယ်။

အဲဒီနောက် သီးနှံတွေ ဖြစ်တဲ့ သခွားသီး၊ ဖရုံသီး၊ ကျောက်ဖရုံသီးနဲ့ ပိန်းဥတို့ကို ပူဇော်လှူဒါန်းဖို့အတွက် ပြုလုပ်ထားတဲ့ ယဇ်ပူဇော်ပလ္လင် အပေါ် မှာလည်းကောင်း တံခွန်တိုင်ဟောင်း အပေါ်မှာလည်းကောင်း တင်ထားပြီး ပထမတခေါက် အနေနဲ့ လူတိုင်းက ပူဇော်လှူဒါန်းရပါတယ်။

တျားအီလူဘိုးပလျားမှာ ပူဇော်လှူဒါန်းတဲ့ သီးနှံတွေဟာ တောင်ယာခင်း၊ လယ်ခင်း၊ စိုက်ခင်းမှာ စိုက်ထားတဲ့ အသီးအနှံ အပင်တွေမှ ပထမဆုံး သီးပွင့်တဲ့ သီးနှံတွေကို သွားခူးပြန်ပြီး ပူဇော်လှူဒါန်းရတယ်လို့ အီလူး ဘိုးပလျားကို ဦးဆောင်ကျင်းပရာမှာ အဖွဲ့ဝင်ဖြစ်သူ အသက် ၅ဝ ကျော် အရွယ်ရှိ ငါးရယ်က ပြောပါတယ်။

“အသီးအပွင့်တွေ၊ ပိန်းဥတွေ အားလုံး တောင်ယာခင်း၊ ယာခင်းတွေ ကနေ သွားခူးပြန်ပြီး ပူဇော်လှူဒါန်း ရတယ်။ အကယ်၍ မပူဇော်လှူဒါန်း သေးဘူးဆိုရင် အသီးအနှံတွေကို လူများ မစားသေးဘူး။ သခွားသီးဖြစ်ဖြစ် ကျောက်ဖရုံသီးဖြစ်ဖြစ် ပထမဆုံး သီး တဲ့ဟာကို ခူးထားပြီး ပူဇော်ရတယ်” လို့ ငါးရယ်က ပြောပါတယ်။

သီးနှံတွေကို ပူဇော်လှူဒါန်း ပြီးနောက် ယဇ်ပူဇော်ပလ္လင် အောက်မှာ လာထားတဲ့ ခေါင်ရည်တွေကို ကိုယ့်ဟာနဲ့ကိုယ် ယူပြီး ယဇ်ပူဇော်ပလ္လင် အောက်မှာ ပူဇော်ဖို့အတွက် စိုက်ထားတဲ့ ဝါးဖြင့် ပြုလုပ်ထားတဲ့ ဝါးဗူးကြီးထဲမှာ အရင်ဆုံး လောင်းထည့်ရပြီး တဦးနဲ့တဦး အပြန် အလှန် တိုက်ကြပါတယ်။

ကြက်ဥတွေကိုလည်း မိမိအိမ် ထောင်စုအတွက်သော်လည်းကောင်း မိမိတဦးတည်းအတွက်သော်လည်း ကောင်း ရှေ့ရေးကို ထပ်ပြီး မေးမြန်း ကြည့်ရပါတယ်။ ကြက်ဥကြည့် မေးမြန်း ရာမှာ ကြက်ရိုးထိုးသလိုပဲ သက်ကြီး ရွယ်အိုတွေကိုပဲ ကြည့်ခိုင်းလေ့ရှိပါတယ်။ 

အဲဒီနောက် ကောက်ညှင်း၊ ကြက် နဲ့ ကြက်ဥတို့ကို ဒုတိယ တခေါက် အနေနဲ့ နောက်တဖန် ပူဇော်လှူဒါန်းရပါတယ်။ ပူဇော်ရမယ့် ကောက်ညှင်း၊ ကြက်ဥနဲ့ ကြက် အင်္ဂါအစိတ်အပိုင်းတွေ ဖြစ်တဲ့ ခေါင်း၊ အအူအသည်း၊ ခြေဖျား၊ အတောင်ဖျားတို့ကို အနည်းငယ် ဆိတ်ယူပြီး သပြေရွက် သို့မဟုတ် ညောင်ရွက် သို့မဟုတ် ပိန္နဲရွက်ရဲ့ အထဲမှာ ထည့်ပြီး ထုပ်ရပါတယ်။ နောက်ပြီး အီလူးဘျာစယ်က ဘုရားမ (ခေါ်) ဖြေးသူးလူးမိုး၊ နတ်ကောင်းနတ်မြတ်ထံကို ဆုတောင်းပြီး ပူဇော်လှူဒါန်းဖို့အတွက် ထုပ်ထားတဲ့ အရွက် အထုပ်ကို ယဇ် ပူဇော်ပလ္လင် အပေါ်မှာ ပထမဆုံး တင်ပြီး ပူဇော်လှူဒါန်းရပါတယ်။ နောက်ပြီး ကျန်တဲ့လူတွေက လိုက်ပူဇော်လှူဒါန်း ရပါတယ်။

တျားအီလူးဘိုးပလျားမှာ ပူဇော်လှူဒါန်းတဲ့ ထွားရယ်က “အခုချိန်မှာ အသီးအနှံတွေ သီးပွင့်ပြီ ဖြစ်တယ်။ အဲဒီသီးနှံတွေကို ကျနော်တို့ စားရတာ၊ ဝရတာက ဘုရာသခင် ကူညီလို့ တောတောင်စာင့်နတ်တွေရှိလို့ ဖြစ်တယ်။ ကျနော်တို့ တောတောင်တွေမှာ တောင်ယာတွေ၊ ယာခင်းတွေ သွားလုပ်တာ သီးနှံတွေကောင်းကောင်း မွန်မွန် သီးပွင့်ပေးရခြင်းဟာ တော စောင့်နတ်၊ တောင်စောင့်နတ်၊ ဘုရား သခင်တွေ ကြည့်ရှုစောင့်ရှောက် ကူလို့ ဖြစ်တယ်။ အဲဒါ ကျနော် တယောက် အနေနဲ့ သူတို့ ကျေးဇူးတရားကို သိတဲ့ အတွက် ပြန်ကျွေးတဲ့ အနေနဲ့ ပူဇော်တာ ဖြစ်တယ်” လို့ ပြောပါတယ်။ 

ကယားလူမျိုးတို့ဟာ ရိုးရာဓလေ့ တျားအီလူးဘိုးပလျားကို နှစ်စဉ် ကျင်းပ ရခြင်းမှာ မိမိတို့ရဲ့ တောင်ယာ၊ လယ် ယာ၊ စိုက်ခင်းတို့ကို ဘုရားသခင်၊ နတ်ကောင်း နတ်မြတ်တို့ အနေဖြင့် ကြည့်ရှုစောင့်မခြင်းကြောင့် အခုလို အသီးအနှံ ပေါ်ထွက်လာသောကြောင့် ကျေးဇူးတရားကို ပြသဖို့နဲ့ ထွက်ပေါ် လာတဲ့ သီးနှံတွေကို ဘုရားသခင်၊ နတ် ကောင်းနတ်မြတ်တို့က ဆက်လက် ကြည့်ရှုစောင့်မပြီး သီးနှံတွေ အောင်မြင် ဖို့၊ အဖျက်အဆီးမှ ကင်းရှင်းဖို့နဲ့ ကောင်းမွန်စွာ ရိတ်သိမ်းနိုင်ဖို့အတွက် ဆုတောင်းပြီး ပူဇော်လှူဒါန်းကြတာ ဖြစ်တယ်လို့ ပြောကြပါတယ်။

ကယားအမျိုးသားတဦးမှ မိသားစုအတွက် ကြက်ရိုးထိုးနေစဉ် (ဓါတ်ပုံ-ကေတီ)

တောင်ယာခင်းမှ ယူလာသော သီးနှံများကို ယဇ်တင်နေကြစဉ် (ဓါတ်ပုံ-ကေတီ)

အိမ်မှ ချက်ထားသော အကောင်းဆုံး ခေါင်ရည်ကို လှူဒါန်းကြစဉ် (ဓါတ်ပုံ-ကေတီ)

အီလူးဘိုးပလျား ကျင်းပစဉ်အတွင်း တံခွန်တိုင်အောက်တွင် လာရောက်ကြစဉ် (ဓါတ်ပုံ-ကေတီ)

အဖိုးတဦးမှ မိမိအနာဂတ်အတွက် ကြက်ဥ ကြည့်မေးမြန်းစဉ် (ဓါတ်ပုံ-ကေတီ)

ယဇ်ပူဇော်ဖို့ ကြက်အစိတ်အပိုင်းနည်းနည်းစီနှင့် ကောက်ညှင်း အနည်းငယ်ကို ပန္နဲရွက်ထဲတွင် ထည့်စဉ် (ဓါတ်ပုံ-ကေတီ)

လူကြီး၊ ကလေးမကျန် ယဇ်လာပူဇော်ဆက်ကပ်ကြစဉ် (ဓါတ်ပုံ-ကေတီ)

ပူဇော်ထားသော ပစ္စည်းများအားလုံး မြင်နေရစဉ် (ဓါတ်ပုံ-ကေတီ)

ဆက်ဖတ်ရန် »

Posted in: kayhtoboe

လွိုင်ကော်မှ ရေကြီးသည့် ပုံများ

၂၀၁၁ သြဂုတ် ၂၈ ရက်မှစ၍ ယခုအချိန်ထိ ရေကြီးနေသည့် လွိုင်ကော်မှ ဓါတ်ပုံများ...

ဘုရားဖြူရွာမှ ရေကြီးခြင်း (ဓါတ်ပုံ-မိုဒူ)

ဘုရားနီရွာတွင် ကိုယ်ပိုင်လုပ် ဖောင်ဖြင့် သွားလာနေသော ကလေးတဦး (ဓါတ်ပုံ-မိုဒူ)

ဘုရားနီမှ လယ်ယာများအပေါ်တွင် လှော်လှေများဖြင့် သွားလာနေကြရသည် (ဓါတ်ပုံ-မိုဒူ)

ဖောင်းတောရွာတွင်လည်း ရေကြီးနေတာကို ယခုလို တွေ့ရပါသည်။ (ဓါတ်ပုံ-မိုဒူ)

ရေသန့်မရရှိနိုင်တော့သော အခြေအနေတွင် ကူညီရေးအဖွဲ့များမှ ရေသန့်ရရှိရန် ပညာပေးနေစဉ် (ဓါတ်ပုံ-မိုဒူ)

ဆက်ဖတ်ရန် »

Posted in: loikaw

ရိုးရာဓလေ့ ထိန်းသိမ်းစေမည့် ဒီးကူ ပွဲတော်

ရေးသားသူ - ဆယ်ဒူ

ကယားမျိုးနွယ်စု တိုင်းရင်းသားတွေ နှစ်စဉ်နှစ်တိုင်း ကျေးရွာအလိုက် ကျင်းပလေ့ရှိတဲ့ ဒီးကူပွဲ(ခေါ်)အဲဒိုပွဲကို စုပေါင်းပွဲတော်အနေနဲ့ ကရင်နီပြည်နယ် ဒီးမော့ဆိုမြို့ မြို့တော်ခန်းမဆောင်မှာ ကျင်းပကြပါတယ်။

ဒီးကူပွဲတော်ဟာ ကယားမျိုးနွယ်စုတွေက ပွဲတော်ကျင်းပလာခဲ့ကြတဲ့ အစဉ်အလာတခု လို့ဆိုပေမဲ့ အခုနောက်ပိုင်းမှာတွေမှာ ရိုးရာကို လိုက်စားတဲ့ကယားလူမျိုးစု တချို့ကပဲ ပြုလုပ်ကြပါတယ်။ ဘာသာတရားရဲ့ တားမြစ်ချက်တွေကြောင့် ပြည်တွင်းရှိ တချို့ကယားလူမျိုးတွေဟာ ဒီးကူပွဲတော်ကို မလုပ်ဖြစ်ခဲ့ကြပါဘူး။

ယခုလ (၁၀)ရက်နေ့မှာ တွေ့နေရတဲ့ စုပေါင်းပွဲတော်မှာတော့ မိရိုးဖလာစဉ်ဆက်ကတည်းက ရိုးရာလိုက်စားပြီး လုပ်လာခဲ့တဲ့ လူငယ်တွေပါကြသလို ဘာသာတရားကြောင့် ရိုးရာအစဉ်အလာ မလုပ်ခဲ့ကြတဲ့ လူငယ်တွေလည်း ပါဝင်ကြတာကို တွေ့ရပါတယ်။ ဒီပွဲတော်ကို ဒီလူငယ်တွေကနေ ပူးပေါင်းကြပြီး ဦးဆောင်ကျင်းပနေကြတာဖြစ်ပါတယ်။

လူငယ်အများစုဟာ ဒီးကူပွဲဓလေ့ ကျင်းပရခြင်းရဲ့ ရည်ရွယ်ချက် ပြုလုပ်ပုံ အဆင့်ဆင့်ကို မသိကြပါဘူး။ ယခုပွဲတော်မှာ လူငယ်တွေက ဒီးကူပွဲတော်ရဲ့ လုပ်ထုံးလုပ်နည်းတွေ ဓလေ့တွေ ရည်ရွယ်ချက်တွေ သမိုင်းတွေကို သေသေချာချာ လေ့လာစုစည်းကြပြီး အစီအစဉ်တကျ ပြသခြင်းပြုလုပ်ခဲ့ရခြင်းကြောင့် ယခုမှပင် ပိုမိုသိရှိလာခဲ့ကြတာဖြစ်ပါတယ်။

တသက်နဲ့တကိုယ် ဒီးကူပွဲမလုပ်ခဲ့ဖူးပဲ ယခုပွဲတော်မှ ဒီးကူပွဲအကြောင်းနှင့် ပတ်သက်ပြီး ပွဲတော် အခမ်းအနားတွင် တင်ဆက် ပြသရာ၌ သရုပ်ဆောင်ပါဝင်ခဲ့သူ ကယားအမျိုးသား လူငယ်တဦးက “ကျနော်တို့ ဖိုးဖွားတွေတုန်းက အယူသည်းခဲ့ကြတယ်။ လုံးဝမလုပ်ခိုင်းဘူး။ အဲဒီလိုနဲ့ပဲ ဘာမှ မလုပ်တော့ ဘာမှ မသိဘူးပေါ့။ အမှန်တော့ ဒီးကူရဲ့ သမိုင်းကြောင်းဟာ ကျနော်တို့အတွက် သင်ခန်းစာယူစရာတွေ၊ အတုယူစရာတွေ အများကြီးရှိတယ်။ ဓလေ့ဟာဓလေ့ပဲ ဘာပဲဖြစ်ဖြစ် တန်းဖိုးထားရပါမယ်” လို့ ပြောပါတယ်။

ကိုယ့်ရေ၊ ကိုယ့်မြေမှာ နေပြီး ကိုယ့်လူမျိုးတွေရဲ့ ရိုးရာတွေနဲ့ ဓလေ့ကို ပြန်မလုပ်ခဲ့ကြလို့လည်း ဒီလို ဒီးကူပွဲတော်အကြောင်းကို လေ့လာသိရှိခွင့် နည်းခဲ့ကြတာပါ။

အစဉ်အလာတွေနဲ့ သမိုင်းတွေကို ပြန်ပြီး လေ့လာခွင့်၊ သိရှိခွင့် မရှိခဲ့ကြတာကို ထိုင်း၊ မြန်မာနယ်စပ်မှာ ရှိတဲ့အဖိုးဦးမီရယ်အောင်မြတ်က အခုလိုပြောပါတယ်။

“သာသနာပြုတဲ့ သာသနာဆရာတွေ ဘုန်းကြီးတွေကြောင့် ဒီလိုဖြစ်ကုန်တာ။ သူတို့ကနေပြီး ဒါတွေကို ဆက်မလုပ်ဖို့ တားမြစ်ခဲ့တယ်။ ပိတ်ပင်ခဲ့တယ်။ အဲဒီနောက်ပိုင်းမှာ မြို့ပေါ်ကလူငယ်တွေကော လေ့လာမှုမရှိတဲ့သူတွေကော အားလုံးဟာ ကိုယ့်ရိုးရာအကြောင်းနဲ့ပတ်သက်ရင် လူအ တွေဖြစ်ကုန်တာပေါ့။”

မိမိရိုးရာ အစဉ်အလာတွေကို မိမ်ိတို့မှ မထိန်းသိမ်းရင် မည်သူမျှလာပြီးထိန်းသိမ်းပေးနိုင်မည် မဟုတ်ကြောင်း ဆက်ပြောပါတယ်။

ဒီလို နတ်တင်တာတွေ၊ ပူဇော်ပသတာတွေ၊ ရိုးရာတွေကို မလုပ်ဖို့ ဘာသာတရားနဲ့ အဆုံးအမသြ၀ါဒတွေ၊ ကျမ်းစာတွေထဲမှာ ပါတဲ့အတွက်ကြောင့် ဘုန်းကြီးတွေ သာသနာဆရာတွေကနေပြီး တားမြစ်ခဲ့ခြင်းဖြစ်တယ်လို့ အသက် ခြောက်ဆယ်ကျော် အရွယ်ရှိတဲ့ သာသနာဆရာတော် တဦးက ပြောပါတယ်။

အခုခေတ် ပညာတတ်လူငယ်အများစုတွေကတော့ အမှန်တကယ် မိမိတို့ရှိနေတဲ့ ဓလေ့တွေကို ဘာသာတရားနဲ့ လူမျိုးမခွဲခြားပဲ အသိအမှတ်ပြု ထိန်းသိမ်းလိုကြပါတယ်။ 

ဒါကြောင့်လူငယ်တွေ၊ လူကြီးတွေ ရပ်ဝေးမှ လာရောက်ပြီး တာဝန်ထမ်းဆောင်တဲ့ ဌာနဆိုင်ရာလူကြီးတွေအားလုံး သိရှိနားလည်ပြီး တန်ဖိုးထားစေဖို့ ဒီးကူပွဲတော်ရဲ့ လုပ်ငန်းအဆင့်ဆင့်ပြုလုပ်ပုံတွေကို အခမ်းအနားအစီအစဉ်မှာ သရုပ်ဖော်ကပြတာတွေ၊ ပြဇာတ်တွေ ပြုလုပ်ခဲ့ကြပါတယ်။

အဲဒီမှာ ပြသတဲ့ ဒီးကူပွဲရဲ့ သမိုင်းဖြစ်စဉ်တွေကို အခမ်းအနား တက်ရောက်အားပေးခဲ့တဲ့ ပြည်နယ်ဝန်ကြီးတွေက အသိအမှတ်ပြုပေးခဲ့ပါတယ်။

“ဖိုးဒီးကရီးနတ်ရုပ်ရဲ့ တန်းခိုးနဲ့ ကျူးကျော်ရန်စသူတွေ၊ မကောင်းဆိုးဝါး မောင်းထုတ်တာတွေကို တိုင်းရင်းသားအားလုံးက တညီတညွတ်တည်းနဲ့ တိုက်ခိုက်မောင်း ထုတ်ခဲ့ကြတယ်။ မိသားစု စိတ်ဓတ်တွေလိုရှိခဲ့ကြတယ်။ ဒီလို တန်ဖိုးရှိတဲ့ အစဉ်အလာ အမွေအနှစ်တွေကို ထိန်းသိမ်းတာ မင်္ဂလာတပါးပဲဖြစ်တယ်” လို့ တိုင်းရင်းသားရေးရာ ၀န်ကြီး ဦးစိန်ဦးက ပြောပါတယ်။

အဲဒီပွဲတော်ကို ဒီးမော့ဆိုမြို့နယ်အတွင်းရှိကျေးရွာအသီးသီးက လူငယ်ယဉ်ကျေးမှုအဖွဲ့တွေ၊ ကိုယ်စားလှယ်တွေ၊ လူငယ်ခေါင်းဆောင်တွေ၊ ဌာနဆိုင်ရာဦးစီးအရာရှိတွေ၊ ၀န်ကြီးတွေ၊ ပြည်နယ် လွတ်တော်အဖွဲ့တွေ၊ ငြိမ်းချမ်းရေးယူခဲ့ကြတဲ့ အဖွဲ့ခေါင်းဆောင်တွေ၊ ကေ့ထျိုးဘိုးရိုးရာ ဂေါပကအဖွဲ့ခေါင်းဆောင်တွေ၊ အမျိုးသမီးအဖွဲ့ခေါင်းဆောင်တွေနဲ့ INGOs NGOs က၀န်ထမ်းတွေက တက်ရောက်အားပေးခဲ့ကြပါတယ်။

ဒီးမော့ဆိုမြို့မှာ ပထမဆုံးအကြိမ်ဖြစ်ပြီး တပြည်နယ်လုံးအတိုင်းအတာတော့ ဒုတိယအကြိမ်မြောက်ဖြစ်ပါတယ်။  အစဉ်အဆက်မပြတ် ဆက်လက် ကျင်းပသွားဖို့ လူငယ်တွေက ရည်ရွယ်ထားကြပါတယ်။

ယခုလို စုပေါင်းပွဲတော်ကျင်းပပေးခဲ့ကြတဲ့ လူငယ်တွေရဲ့စိတ်ထဲမှာကတော့  အဲဒိုပေါ်မီခေါ် ရိုးရာဒီးကူပွဲတော်ရဲ့ အနှစ်သာရနဲ့ အစဉ်အလာတန်ဖိုးထားမှုတွေ ရင်ထဲမှာ စွဲကျန်ရစ်စေခဲ့မယ်လို့ ယူဆမိပါတယ်။

တိုင်းရင်းသားရေးရာဝန်ကြီးက ပွဲတော်အခန်းအနားတွင် မိန့်ခွန်းပြောကြာနေစဉ်

သေးဆူလဲရွာ လူငယ်များမှ ဒီးကူသမိုင်းနောက်ခံဖြင့် သရုပ်ဖော်ပြသစဉ်

ထီးကူကိုးလူငယ်များမှ ရိုးရာလုပ်ငန်းများဖြင့် ပြသစဉ်

ကျေးရွာလူငယ်များမှ ရိုးရာအကဖြင့်တင်ဆက်ပြသစဉ်

ဝန်ကြီးများနှင့် ဧည့်သည်တော်များ ရိုးရာအစားအစာသုံးဆောင်နေကြစဉ်

ဆက်ဖတ်ရန် »

Posted in: Deeku,deemawso