ကရင်နီပြည်နယ် ငြိမ်းချမ်းရေးအတွက် လူထုနဲ့ ပူးပေါင်းဆောင်ရွက်တဲ့အခါ ခေါင်းဆောင်းမှုနဲ့ စီမံခန့်ခွဲနိုင်ဖို့ ပြည်ထဲရေးဌာနမှ ဝန်ထမ်းတွေနဲ့ ကာကွယ်ရေးဌာနမှ ဝန်ထမ်းတွေက ကရင်နီပြည်တပ်မတော်ရဲ့ ညာမိုတပ်စခန်းမှာ စွမ်းရည်မြင့်တင်ရေးသင်တန်း တက်ရောက်ခဲ့ကြပါတယ်။
အဓိက ကတော့ ငြိမ်းချမ်းရေး တည်ဆောက်တဲ့ကာလမှာ ဝန်ထမ်းတွေက စစ်မှန်တဲ့ငြိမ်းချမ်းရေး ဟုတ်မဟုတ်ဆိုတာ သုံးသပ်နိုင်ဖို့နဲ့ တရားမျှတတဲ့ အပစ်ခတ်ရပ်စဲရေး မဟုတ်ဘူးဆိုရင် လည်း လူထုကိုသဘောပေါက်အောင် ရှင်းပြဖို့လိုတယ်လို့ ပြည်ထဲရေးဝန်ကြီး ခူထဲဘူးက ပြောပါတယ်။
 |
| ခေါင်းဆောင်းမှုနဲ့ စီမံခန့်ခွဲရေး သင်တန်းသားများနှင့် ခေါင်းဆောင်များအား တွေ့ရစဉ် (ဓါတ်ပုံ-ကေတီ) |
ဇူလိုင်လ ၁၆ ရက်နေ့ ယမန်နေ့က ညာမိုတပ်စခန်းမှာ သင်တန်းဆင်းပွဲကျင်းပအပြီးမှာ ယခုလို ပြောပြခဲ့ခြင်း ဖြစ်ပါတယ်။
ဒုစစ်ဦးစီးချူပ် ဗိုလ်ချူပ်အောင်မြတ်က “ခေါင်းဆောင်တွေနဲ့ ရဲဘော်တွေအားလုံး သိထားရမှာက အချက် ၂၀ ထဲမှာ ငါတို့ကို ဘယ်နှစ်ချက်ပေးထားပြီလဲ တချက်မှ မပေးသေးဘူး။ နှောင်အနာဂတ်မှာ သူတို့က အချိန်ဆွဲပြီး လိန်ဖယ်လိန်ဖယ်လုပ်သွားမယ်။ ပစ်ခတ်ရပ်စဲရေး မလုပ်ခင်ကထက်တောင်မှ အခုချိန်မှာ ပိုပြီးတော့သတိဝီရိယနဲ့ နေရမယ်” လို့ ပြောပါတယ်။
 |
| ခေါင်းဆောင်းမှုနဲ့ စီမံခန့်ခွဲရေးသင်တန်းသားများ သင်တန်းဆင်းပွဲ၌ စစ်ရေးပြနေကြစဉ် (ဓါတ်ပုံ-ကေတီ) |
သင်တန်းကာကမှာ တလခွဲဖြစ်ပြီး သင်တန်းသား ဦးရေ စုစုပေါင်း ၆၈ ဦးတက်ရောက် ခဲ့ကြပါတယ်။ ပြည်ထဲရေးကနေ ဒီလိုစွမ်းရည်မြင့်တင်ရေးသင်တန်းကို ကာကွယ်ရေးတပ်နဲ့ ပူးပေါင်းပြီး သင်တန်းပြုလုပ်တာ ဆယ်နှစ်တာကာလမှာတော့ ပထမဆုံးအကြိမ် ဖြစ်ပါတယ်။
No comments:
Post a Comment